Um høllinaTjóðarleikvøllurMentanardepilMøguleikarFólkaheilsudepilTilbúgving
Samband

Mentanardepil fyri alt landið 

Mentanartilboð- og upplivingar eru vorðin ein týðandi partur av grundarlagnum undir trivnaðinum í nútíðarsamfelagnum.

Mentanardepil føroya

Altjóða hentleikar - nýggir møguleikar

Vit leita øll hvør í sínum lag og í felag við øðrum til størri og minni mentanartilboð og upp­liv­ingar, og er hetta vorðin ein fastur partur av ger­andis­degnum hjá stórum parti av fólkinum kring alt landið.

Í nógvum førum ber til at fara til mentanartiltøk og ­upplivingar í Føroyum, men tað er eisini vorðið alsamt vanligari, at føroyingar ferðast til ment­an­artiltøk uttanlands – til tiltøk, sum ikki bera til at skipa í Føroyum, tí hølisumstøðurnar ikki eru til at hýsa hesum tiltøkum.

Áhugin fyri at koma til Føroya við ymiskum stórum tiltøkum er stórur, men avmarkandi hølisviðurskiftini hava forðað fyri, at stór tiltøk kunnu koma til Føroya. Við Føroya Arena verða hesi viðurskifti broytt, og ein nýggjur stórur ment­anardepil fyri alt landið er skaptur, sum kann hýsa stórum konsertum, framsýningum, fram­førslum, samfelagsmøtum, altjóða ráðstevnum o.s.fr.